Функции за пристапност на Max

Може да ги користиш функциите за пристапност за да се движиш низ Max и да гледаш емисии и филмови. Max го поддржува следново:

• Скриени титлови
• Аудиоопис
• Читачи на екран
• Навигација со тастатура
• Гласовни команди на Alexa
• Предупредувања за фотосензитивност

Скриени титлови

Некои емисии и филмови на Max може да ги гледаш со скриени титлови. Некои скриени титлови се достапни само на англиски јазик. За време на репродукцијата, може да ги вклучуваш или исклучуваш скриените титлови со помош на копчето „Аудио и титлови“ во видеоплеерот.

За повеќе информации, оди на Преводи, титлови и аудио.

Аудиоопис (Нарација)

Аудиоописот е алтернативен аудиозапис што опишува што се случува на екранот меѓу дијалогот (на пример, детално прераскажување на сцената или на дејството што се одвива). За да најдеш наслови со аудиоопис:

• На почетниот екран на Max, најди го редот Прелистувај според жанр (последниот ред на почетниот екран), потоа избери Аудиоопис.

Аудиоописот може да биде достапен само на англиски јазик. Сериите и филмовите со aудиоопис ќе имаат показател за аудиоописот на страницата за детали.

Вклучување и исклучување на аудиоописот

Може да го вклучиш аудиоописот за одредени емисии и филмови. Кога го вклучуваш аудиоописот, тој се пушта како стандардниот аудиозапис за другите емисии и филмови што ги гледаш (ако е достапен). Еве како:

1. Започни да гледаш емисија или филм, потоа побарај ги контролите на плеерот.
2. Избери го менито Аудио и преводи.
3. Во делот Аудио, избери Англиски – аудиоопис (ако е достапeн), потоа избери го скок-копчето „затвори преводи и аудио“ (X) за да затвориш.

За да го исклучиш аудиоописот, повторно отвори го менито Аудио и преводи и избери друг јазик во делот Аудио.

Ако го имаш исклучено аудиоописот во Max, но тој сé уште се појавува, провери ги поставките на уредот. На пример:

• На телефонот или на таблетот, оди во Поставки > Пристапност и исклучи го Аудиоописот.

Барање серии и филмови со аудиоопис

Пребарување:

• Во Max, избери Пребарај од почетниот екран и пребарај Аудиоопис.
  -или-
• На страницата за пребарување, лизгај надолу до редот Прелистувај според жанр и избери Аудиоопис. Овде ќе ја најдеш целата колекција содржини со аудиоописи.

Од почетната страница:

• На почетната страница на Max, лизгај надолу до редот Прелистувај според жанр (последниот ред на почетниот екран) и избери Аудиоопис. Овде ќе ја најдеш целата колекција содржини со аудиоописи.

Од страницата „Серии или филмови“:

1. Во Max, избери „Серии или филмови“ (во горниот дел од екранот).
2. Лизгај надолу за да го најдеш редот Прелистувај според жанр (последниот ред на почетниот екран) и потоа избери Аудиоопис. Овде ќе најдеш серии и филмови со аудиоопис. Во колекцијата со аудиоописи, може да ги филтрираш насловите по азбучен ред или според жанр.
3. Избери ги сериите и филмовите што сакаш да ги разгледаш.

Од Max.com:

Исто така, колекцијата Аудиоопис може да ја најдеш и на овој начин:

1. На почетната страница на Max.com, притисни на Tab за да се појават две истакнати опции. Потоа, повторно притисни на Tab за да ја означиш опцијата Прелистај аудиоопис.
2. Притисни на Space за да избереш Прелистај аудиоопис. Тоа ќе те однесе до колекцијата Аудиоопис.

На повеќето страници на Max.com, копчето Прелистај аудиоопис може да го најдеш најгоре на страницата (менито е скриено сѐ додека не му пристапиш со навигација преку тастатурата). Опциите Прескокни до главната содржина и Прелистај аудиоопис не се достапни додека гледаш.

Читачи на екран

Може да користиш читачи на екрани за да ти помогнат да наоѓаш и да пушташ наслови. Max ги поддржува следниве читачи:

• Телефон или таблет со Android, телевизор со Android: TalkBack
• Apple iPad, iPhone, Apple TV: VoiceOver
• Телевизор Fire: VoiceView *
• Телевизор Hisense VIDAA: текст во говор
• PlayStation 5: Screen Reader **
• Samsung: Voice Guide ***
• Web: NVDA, JAWS, VoiceOver, TalkBack
• Xbox: Narrator

*VoiceView на телевизорот Fire не поддржува Dolby Audio при репродукција. Можеби ќе треба да го оневозможиш Dolby Audio на телевизорот Fire за да ја контролираш репродукцијата со VoiceView.

**Наскоро пристигнува поддршка за Playstation 4. Врати се подоцна за ажурирања.

***Ако користиш уред Samsung со Android и го користиш гласовниот асистент на Samsung, можеби ќе треба да инсталираш TalkBack за да добиеш целосна поддршка за читачот на екранот.

Исто така, може да гледаш со помош на Airplay или Chromecast и да го користиш читачот на екран на телефонот или на таблетот за да ја контролираш репродукцијата.

Навигација со тастатурата

Може да користиш надворешна (хардверска) тастатура за да се движиш низ Max и за да ја контролираш репродукцијата на интернет, телефон или на таблет. Еве како:

Движи се низ Max

• Притисни на копчето Tab или на копчињата со стрелкa за да се движиш низ ставките.
• Притисни на тастерот за празно место за да ја избереш избраната ставка.
• Притисни на копчето Enter за да активираш врски.
• Притисни на копчето Esc за да ги затвориш менијата и преклопувањата.

Дали користиш тастатура на плеерот за стриминг или конзола за играње?

• Користи ги копчињата со стрелки за да се движиш и копчето Enter за да бираш.
• Кратенките за тастатурата не се достапни во моментов.

Гласовни команди на Alexa (во одредени земји)

Може да ги користиш гласовните команди на Alexa за да наоѓаш и да гледаш серии и филмови на Max, како и да ја контролираш репродукцијата на видеото. На пример, може да изговориш команди како „Alexa, најди драми на Max“ или „Alexa, пушти ја „Куќата на змејот“.“

Што ти треба:

• Телевизор Amazon Fire
• Уред со овозможена функција Alexa, Alexa гласовен далечински управувач или спарен уред Echo

Може да ги користиш следниве Alexa-команди со Max. Ако користиш гласовен далечински управувач Alexa, притисни и задржи на копчето „Глас“, а потоа зборувај со Alexa.

За да ја отвориш Max, користи отвори или стартувај. На пример, кажи „Alexa, отвори ја апликацијата Max“. Потоа, избери профил и започни со гледање.

За да пребараш серија или филм, користи ја опцијата најди. На пример, кажи „Alexa, најди ја The Last of Us.“

Контроли за репродукција

За да пуштиш филм или следната епизода во серијата, користи пушти или гледај. На пример, кажи „Alexa, пушти ја „Белиот лотос“.“

За да пуштиш конкретна епизода во една сезона, наведи ги сезоната и епизодата. На пример, кажи „Alexa, пушти ја „Игра на тронови“ Сезона 1 Епизода 2.“

За да паузираш репродукција, користи паузирај. На пример, кажи „Alexa, паузирај.“

За да продолжиш со репродукција, користи продолжи, пушти, гледај или поништи пауза. На пример, кажи „Alexa, продолжи.“

За да ја запреш репродукцијата, користи запри. На пример, кажи „Alexa, запри“.

За да прескокнеш нанапред 30 секунди, користи премотај нанапред. На пример, кажи „Alexa, премотај нанапред“.

За да прескокнеш наназад 30 секунди, користи премотај наназад. На пример, кажи „Alexa, премотај наназад“.

Предупредувања за фотосензитивност

Некои серии и филмови со интензивни светлосни секвенци имаат предупредување за фотосензитивност на екранот со детали за насловот и во видеоплеерот кога првпат ќе почнеш да гледаш. Предупредувањето за фотосензитивност во видеоплеерот се појавува во горниот лев агол по оцената.