Сè за Детските профили

Постојат два вида профили: за возрасни и детски. Сметката може да има најмногу 5 профили. Може да создадеш Детски профил што нуди содржини специјално за деца.

Стандарден Детски профил
Новите сметки на Max имаат стандарден детски профил кој може да гледа наслови оценети со 9 и пониска оцена. Може да го уредуваш или да го избришеш овој профил. Ако сметката била првично сметка на HBO Max, може да додадеш детски профил.

Зошто да создадеш детски профил?

  • Доживување со внимателно одбрани и организирани содржини: детскиот профил содржи содржини привлечни за деца.
  • Родителски контроли. Може да избереш кои оцени на содржини може да ги гледа детето.
  • Почетен екран за деца. Постојат различни доживувања на почетниот екран за детските профили. Детето исто така може да има свој Мој список и список Продолжи со гледање.
  • За да спречиш детето да се префрлува од својот профил на друг, вклучи Излез со заштита за деца (и/или додај ПИН за профилот на другите профили за да спречиш детето да влегува во тие профили.
  • Детските профили не можат да пристапат до функциите за управување со сметката, како лозинката и податоците за претплатата.

Избери тема:

Додај Детски профил

Еве како да додадеш детски профил:

  1. Во Max, избери го својот профил, а потоа +Нов профил (можеби ќе треба да лизгаш надесно ако имаш повеќе од 3 профили).
  2. Избери аватар или избери Прескокни.
  3. Внеси го името на детето (меѓу 1 и 14 знаци).
  4. Вклучи Детски режим.
  5. Стандардно, оцените се поставени на Преттинејџери. Може да го ажурираш ова кога ќе уредуваш детски профил. За повеќе информации, оди на Оцени на содржините.
  6. Излез со заштита за деца (изборно): вклучи ја оваа опција за да го спречиш детето да го напушти профилот. Дознај повеќе на Излез со заштита за деца и Родителски код.
  7. Избери Зачувај.
Додај ПИН за профил
Исто така, може да додадеш ПИН за профил на кој било профил така што другите членови од домаќинството нема да можат да гледаат Max со тој профил.
Уреди или избриши детски профил

Избери го уредот што го користиш:

Телефон или таблет
  1. Во Max, избери го својот профил и потоа Уреди профили.
  2. Избери детски профил.
  3. Тука може да го смениш аватарот на профилот, името, Детскиот режим, ПИН-от за профилот, опцијата Излез со заштита за деца и да го избришеш профилот.
  4. За да ги промениш оцените, избери Управувај со поставките. Во апликацијата ќе се отвори прозорец со прелистувач.
    1. Ако се бара, внеси ги е-поштата и лозинката и избери Најави се. Не можеш да се најавиш?
    2. Избери кои Оцени може да ги гледа детето, а потоа избери Готово.
    3. Затвори го прозорецот од прелистувачот за да се вратиш на Max.
  5. Избери Готово.
Компјутер
  1. На max.com, избери го својот профил, па Уреди профили.
  2. Избери детски профил.
  3. Тука може да ги промениш аватарот на профилот, името, оцените, детскиот режим, ПИН-от за профилот, опцијата Излез со заштита за деца и да го избришеш профилот.
  4. Избери Готово.
ТВ-уред
  1. Во Max, избери го својот профил.
  2. Избери ја иконата „Уреди“молив под детскиот профил.
  3. Тука може да ги промениш аватарот на профилот, името, оцените, детскиот режим, ПИН-от за профилот, опцијата Излез со заштита за деца и да го избришеш профилот.
  4. Избери Готово.

Apple TV: може да ги промениш оцените и поставката Излез со заштита за деца на телефонот, таблетот или на компјутерот.

Исклучување на детскиот режим
Ако го исклучиш детскиот режим, детскиот профил ќе се промени во профил за возрасен и ќе ги изгубиш ограничувањата за оцени и поставките за деца за профилот. Профилот за возрасен не може да се промени во детски профил.

Излез со заштита за деца: вклучи ја опцијата Излез со заштита за деца за да го спречиш детето да го напушти профилот. Дознај повеќе на Излез со заштита за деца и Родителски код.

Промени профили

Еве како може да се префрлиш на друг профил:

  1. Во Max, избери го својот профил.
  2. Избери друг профил.
  3. Ако се бара, избери Излези од детски профил и внеси го 4-цифрениот родителски код за да излезеш од детскиот профил.

Ако се префрлиш на профил со ПИН за профил, ќе треба да го внесеш 4-цифрениот ПИН.

Екран „Кој гледа“

Еве што се случува кога ќе ја отвориш Max:

  • ТВ-уред: ако последниот користен профил бил детски профил, Max ќе се отвори со тој профил. Ако последниот користен профил бил профил за возрасен, ќе го видиш екранот „Кој гледа“.
  • Компјутер, телефон или таблет: Mаx секогаш се отвора со последниот користен профил (нема да го видиш екранот „Кој гледа“).

Исто така, може да додадеш ПИН за профил на кој било профил така што членовите од домаќинството нема да можат да гледаат Max со тој профил.

Оцени на содржините

Кога уредуваш детски профил, може да избереш една од следниве групи оцени за да ограничиш што може да гледа детето и што да наоѓа со пребарување:

  • Мали деца (AL): соодветни за мали деца
  • Големи деца (6): соодветни за големи деца
  • Преттинејџери (9): соодветни за повеќето преттинејџери
  • Тинејџери (12): соодветни за повеќето тинејџери

Max користи систем за оценување наречен „Kijkwijzer“ кој е развиен во Холандија од страна на NICAM (Холандски институт за класификација на аудиовизуелни медиуми). Оцените ги предупредуваат родителите и децата кога филм или серија може да биде штетен за деца на одредена возраст.

Kijkwijzer

Оцените на Kijkwijzer вклучуваат дескриптори за возраст и содржини. Оцените за возраст и следните икони може да се појават на епизода или филм:

  • предупредување - јазикНепристоен јазик
  • предупредување - дискриминацијаДискриминација
  • предупредување - лековиУпотреба на дрога и/или алкохол
  • предупредување - стравСтрав
  • предупредување - сексСекс
  • предупредување - насилствоНасилство

Иконите за возраст покажуваат дека насловот може да биде штетен за деца под оваа возраст, дескрипторите за оцени и содржини ја покажуваат причината за оцената за возраста.

За повеќе информации за Kijkwijzer, оди на kijkwijzer.nl/over-kijkwijze1.

Оцената од Kijkwijzer за една епизода или филм се појавува:

  • На екранот за опис за епизода или филм.
  • Во горниот десен агол кога првпат започнуваш со гледање епизода или филм.
  • По паузите за реклами и кога ќе рестартираш епизода или филм
  • Во резултати од пребарувањето (под епизода или филм).

Кога патуваш во други земји каде што е достапен Max, родителските контрол продолжуваат да се применуваат . Сериите и филмовите се оценети врз основа на локалните системи за оценување, кои може да се различни од оцените во твојата земја. За повеќе информации, оди на Каде е достапен Max?

Оцените на содржините не функционираат?

Ако оцените што ги постави за детски профил не функционираат како што очекуваше, провери го следново:

  • Провери дали се поставени ограничувањата на уредот (на пр. на IOS провери за Ограничувања на содржините). Ако уредот што го користи детето има родителски контроли што се порестриктивни од оцените што ги постави во Max, Max ги следи родителските контроли поставени на уредот.
  • Max не ги следи родителските контроли што можеби ги поставено со ТВ-операторот.
Почетен екран за деца

Кога е избран детски профил, почетниот екран и резултатите од пребарувањето вклучуваат само серии и филмови со оцени што се дозволени за гледање од детскиот профил. Стандардните оцени за нов детски профил се Преттинејџери (9). Сепак, може да ги менуваш оцените за кој било детски профил.

Постојат различни доживувања на почетниот екран за детски профили врз основа на оцените на содржините. На почетниот екран на детски профил, мали деца до преттинејџери можат да откриваат наслови со избирање слика од лик (на пр. Елбо или Скуби Ду).

Почетниот екран за деца, исто така, вклучува Продолжи со гледање и Мој список.