HBO Max сега е Max

HBO Max сега е Max. Еве што треба да знаеш:

Како да се ажурирам на Max?

На уредите на коишто ја имаш апликацијата HBO Max, оди во продавницата за апликации на уредот, пребарај Max и избери ја опцијата за преземање.

Ако ти треба помош да се ажурираш во Max, оди на Ажурирај ја HBO Max во Max.

Откако ќе ја инсталираш апликацијата Max, може да ја избришеш апликацијата HBO Max од уредот.

По што се разликува Max од HBO Max?

Max содржи нови и проширени колекции, од вистински злосторства, документарци и ријалити, до кулинарство, семејство и дом, плус спортски настани во живо:

Најдоброто од HBO Max: HBO серии и филмови, Max Originals и одбрани серии и филмови од Warner Bros., DC Universe, Cartoon Network, Looney Tunes, Adult Swim и многу повеќе.
Фаворити од Discovery: најдобрите емисии со приказни од вистинскиот живот и многу повеќе.

Ова се некои од промените што ги направивме:

Подобрена персонализација и понапредно пребарување
Подобрени перформанси
Полесно најавување и користење
ПИН за профил за профилите за возрасни и за деца
Нови центри и жанрови

Како да го добијам Max?

Тековни претплатници на HBO Max

Тековните претплатници на HBO Max имаат пристап до Max.

На уредите на коишто ти е инсталирана апликацијата HBO Max, оди во продавницата за апликации на уредот, пребарај Max и избери ја опцијата за преземање. Откако ќе ја инсталираш апликацијата Max, може да ја избришеш HBO Max.

Ако ти треба помош да ажурираш во Max, оди на Ажурирај ја HBO Max во Max.

Како да се најавам на Max?

Нема да има потреба да се најавиш на уредите на коишто ти е инсталирана апликацијата HBO Max, но ако треба, избери Најави се и внеси ги адресата на е-пошта и лозинката за HBO Max.

Поранешни претплатници на HBO Max

Ако си поранешен претплатник на HBO Max:

Инсталирај ја апликацијата Max и најави се со адресата на е-пошта и лозинката за HBO Max. Кога ќе го направиш тоа, ќе се појави барање да ја обновиш претплатата и да додадеш податоци за плаќање. За повеќе информации, оди на Претплати се повторно на Max.

Претплатници на HBO

Ако добиваш HBO преку пакет за интернет, мобилен телефон или телевизија, можеби ќе имаш пристап до Max без дополнителни трошоци. За повеќе информации, оди на Дали веќе имам пристап до Max?

Нови претплатници

Нови претплатници може да се претплатат преку еден од нашите партнери или на max.com. За повеќе информации, оди на Како да се претплатам на Max?

Веќе имаш сметка на HBO Max? Најави се на Max со адресата на е-пошта и лозинката за HBO Max, па избери Обнови ја претплатата. За повеќе информации, оди на Претплати се повторно на Max.

На кои уреди може да гледам?

Max е достапен на многу уреди. За да дознаеш кои се, оди на Поддржани уреди на Max.

Уред Apple iOS

За подобро искуство при гледањето, ажурирај го софтверот на својот iPhone или iPad на најновата верзија. Еве како:

Отвори „Поставки“ на уредот Apple, па избери Општо > Ажурирање на софтверот. За повеќе информации, оди на написот на Apple Ажурирај го својот iPhone или iPad.
Ако не можеш да го ажурираш својот iPhone, iPad или iPod Touch на iOS 14 или понова верзија, обиди се да се префрлиш на друг поддржан уред за подобро искуство.

Дали ќе се префрлат моите профили и поставки од HBO Max?

Твоите профили на HBO Max, историјата на гледање и поставките (вклучувајќи ги и родителските контроли) се достапни во Max.

Сепак, има две нешта што нема да се префрлат на Max:

Преземањата од HBO Max: ќе треба одново да ги преземеш сериите и филмовите на Max.
Персонализирани профилни слики: ако имаше персонализирана профилна слика на HBO Max, сега ќе имаш генеричка икона за профилот на Max (Max не поддржува персонализирани профилни слики). Ако сакаш да избереш друг аватар за профилот, оди на Додај и управувај со профилите на Max.

Може да додадеш ПИН за кој било профил за да спречиш други членови од домаќинството да го користат твојот профил. За повеќе информации, оди на Додај ПИН за профил.

Секој од твоите профили има дел Моите работи со списоци „Продолжи со гледање“ и „Мојот список“.

Дали има промена на цената?

Ако се имаш претплатено на HBO Max преку нас или преку продавница за апликации, цената на претплатата нема да се смени најмалку 60 дена по лансирањето на Max на 21 мај 2024 година. На следниот датум на обновување на или по 23 јули, цената ќе се смени во тогашната цена на Стандардниот пакет. Повеќе информации ќе споделиме како што ќе се ближи промената.

Ако се имаш претплатено на HBO Max преку оператор за интернет, мобилен телефон или телевизија, операторот ќе те извести за какви било промени во цената или во пакетот.

Цените на Max се разликуваат во зависност од операторот и од пакетот. За повеќе информации за цените, оди на max.com.

Дали има промени во пакетите?

Ако се имаш претплатено на HBO Max преку продавница за апликации или директно преку нас (на HBOMax.com), ќе ги задржиш функциите и функционалноста на тековниот пакет. Ќе те известиме однапред ако треба да правиме некакви промени во функциите на пакетот во иднина.

Ако се имаш претплатено на HBO Max преку оператор за интернет, мобилен телефон или телевизија, операторот ќе те извести за какви било промени во пакетот.

Исто така, воведовме и 2 нови основни пакети:

Стандарден:
- Гледај на 2 уреди истовремено
- Резолуција Full HD 1080
- Целосна покриеност на Олимписките игри Париз 2024
- До 30 преземања офлајн
Премиум:
- Гледај на 4 уреди истовремено
- Гледај во 4K UHD и Dolby Atmos (според достапноста)
- Целосна покриеност на Олимписките игри Париз 2024
- До 100 преземања офлајн (важат ограничувања)

Каналите и содржините во живо што се вклучени во кој било пакет ќе содржат реклами. Содржините по барање може да вклучуваат спонзорства и пласирање производи.

А воведовме и нов додаток Спорт што може да се додаде кон кој било основен пакет:

Додаток Спорт* (потребен е основен пакет):
- Гледај Eurosport 1 и Eurosport 2
- 2024 велосипедизам во живо, тенис и др.
- Вклучени се и Ролан Гарос и Тур де Франс од 2024 година

*Ограничено на 2 уреди од достапните основни пакети

Имаш претплата преку Apple? Ако сакаш да гледаш спорт на Max, може да го избереш пакетот Премиум и спорт.

Каде е достапен Max?

Во моментов, Max е достапен во неколку европски земји и територии, Латинска Америка, на Карибите и во Соединетите Американски Држави. Планираме да го лансираме Max во повеќе земји во 2024 година.

Пред да патуваш во земја каде што Max не е достапен, не заборавај да преземеш серии и филмови.

Ќе можам ли да ги гледам Олимписките игри Париз 2024 на Max?

Да. Олимписките игри Париз 2024 ќе бидат вклучени во сите основни пакети на Max.