Приватност на Max

Приватноста е важна за нас. Ги собравме најчесто поставуваните прашања и одговори што треба да помогнат.

Политика за приватност

Политиката за приватност на Max дава преглед кои информации ги собираме, како ги користиме и каде и како ги споделуваме. Нашата Политика за приватност е достапна на: max.com/privacy.

Нашата Политика за приватност за деца е достапна на: max.com/privacy/children.

Управувај со преференциите за колачиња

Може да управуваш со преференциите за приватност и за собирање податоци во „Поставки“. Еве како:

  • Во Max, избери го својот профил, па Приватност и правни информации, а потоа избери Управувај со преференции за колачиња.

Преференции за е-пошта и за известувања

Периодично, преку е-пошта, може да ти испраќаме препораки за серии и за филмови, ажурирања за производи и специјални понуди. Ако не сакаш да ги добиваш овие е-пораки, може да ги исклучиш „Рекламирање преку е-пошта од Max и поврзаните друштва“ во „Поставки“. За повеќе информации, оди на Поставки за Max.

Сè уште ќе добиваш е-пораки за услуги на сметката (како на пример, кога менуваш лозинка или се најавуваш на нов уред).

Известувања за апликацијата: може да видиш известувања во скок-прозорец на телефонот или на таблетот за новите серии и филмови на Max, како и други предлози или известувања. Може да ги исклучиш известувањата за апликацијата во Поставки на апликацијата на телефонот или на таблетот.

Известувања во апликацијата: ќе најдеш персонализирани предлози во мобилната апликација Max. За да ги прегледаш предлозите, избери ја иконата ѕвонче bell во горниот десен агол на Max (само за телефони и таблети). Известувањата во апликацијата се достапни само со Профили за возрасни.

Како можам да ја избришам мојата сметка?

Работи што треба да ги знаеш
  • Со бришење на сметката нема да ја избришеш апликацијата од уредите.
  • Ако создадеш нова сметка на Max со истата адреса на е-пошта, нема да ги има претходните поставки, преземања и историјата на гледање.

Еве како да ја избришеш сметката на Max:

Чекор 1: откажи ја претплатата

Ќе треба да ја откажеш претплатата пред да испратиш барање за бришење. За да дознаеш како да ја откажеш, оди на Како да го откажам Max? Може да продолжиш да гледаш Max додека ти истече претплатата.

Чекор 2: испрати барање за бришење

Штом ќе ти истече претплатата на Max, може да испратиш барање за бришење.

Избери уред:

Телефон или таблет
  1. На телефон или таблет Apple или Android, отвори ја апликацијата Max.
  2. Најави се (ако е потребно) и избери го својот профил. Не можеш да се најавиш?
  3. Избери Приватност и правни информации и потоа Избриши ја мојата сметка. Апликацијата ќе отвори прозорец за прелистувач.
  4. Внеси ги информациите што се поврзани со твојата сметка и испрати го формуларот. Ако не ја знаеш адресата на е-пошта за сметката на Max, оди на Ја заборавив мојата адреса на е-пошта за Max.
  5. Провери си го сандачето за е-порака во име на Max (насловот на пораката е „Твоето барање за бришење на твојата сметка“).
  6. Отвори ја таа е-порака и избери Избриши ја мојата сметка.
Компјутер
  1. Отвори прелистувач и оди на max.com/account-delete.
  2. Избери го јазикот што го претпочиташ во горниот десен агол.
  3. Внеси ги информациите што се поврзани со твојата сметка и испрати го формуларот. Ако не ја знаеш адресата на е-пошта за сметката на Max, оди на Ја заборавив мојата адреса на е-пошта за Max.
  4. Провери дали во сандачето имаш е-порака од Max (насловот на пораката е „Твоето барање за бришење на твојата сметка“).
  5. Отвори ја таа е-порака и избери Избриши ја мојата сметка.

Откако ќе ги завршиш овие чекори,ќе ја избришеме твојата сметка на Max ако тоа е соодветно. Процесот на бришење сметка обично трае од 4 до 5 седмици. Ќе добиеш е-порака со известување кога ти е избришана сметката.

Барања за индивидуални права

За да испратиш барање за бришење или за пристап до личните податоци што сме ги собрале од тебе, направи го следново:

  1. Оди до нашиот формулар за Барање за индивидуални права.
  2. Избери го јазикот што го претпочиташ (најгоре на екранот или во горниот десен агол).
  3. Избери Пристап или Бришење според видот на барањето.
  4. Пополни го формуларот и испрати го.

Напомена Треба да ја откажеш претплатата пред да испратиш барање за бришење.

За повеќе информации за ова , види го насловот Како може да ги контролираш твоите лични податоци? во нашата Политика за приватност.

За сите други барања за приватност, контактирај со нас на нашата адреса на е-пошта за Приватност: wbdprivacy@wbd.com.

ПОВРЗАНИ СТАТИИ
ПОВРЗАНИ СТАТИИ